BAGUIO CITY – Nairikep manipud itay agsapa ti Marcos Highway gapu iti agarup sangapulo metro a road cut ken ti kaudian ket ti maysa a land slide idiay Taluy sur, Tuba, Benguet, segun iti Department of Public Works and Highways – Cordillera Administrative Region
Gapu iti daytoy, makumikom ita ti DPWH a mangipakaammo iti publiko a saan pay a mabalin a pagdalyasatan ti Marcos highway.
Gapu iti daytoy, kasapulan a lumikaw pay iti Naguilian road dagiti bus ken dadduma pay a nadagsen a lugan nga agturong ken pumanaw ditoy Baguio.
Kabayatan na, nakalukat met latta iti trapiko ti Kennon road, ngem para laeng kadagiti nalalag-an a lugan wenno light vehicles.
Maipalagip a lima nga aldawen ti tudo a mapaspasaran ditoy Baguio ken Benguet, a segun iti PAGASA ket epekto ti southwest monsoon rains wenno panagtutudo.(www.bomboradyo.com)
