BAGUIO CITY – Tiniliw dagiti kameng ti National Bureau of Investigation (NBI) ti Assistant Engeneer ti Baguio ken ti maysa nga Inspection Engeneer, iti entrapment opertion iti mismo City Engineering Office (CEO) itay agsapa.
Kaso a Roberry-extortion ita ti maidatag kadagiti suspects a da Assistant Engeneer Elpidio Garabiles ken Inspection Engeneer Richard Lardizabal, kalpasan nga awatenda ti P10,000 marked money itay agsapa.
Immuna iti daytoy, nagreklamo iti NBI ti project contractor a ni Rudy Ocsillo gapu iti kinuna na a nabayagen a panangkikil kenkuana dagiti suspects, a dumanunen ti 66 thousand pesos, manipud pay nangrugi ti proyekto na idi napalabas a tawen.
Dumawdawat manen dagiti suspects idi kalman ti 10 thousand pesos kasukat ti napintas a report da iti proyekto ni Ocsillo, isu nga itay agsapa ket naisayangkat ti entrapment operation.
Innayun pay ni Ocsillo nga awan a pulos ti official receipt nga impaay dagiti suspects kadagiti amin a kiniddaw da a kuarta.
